太和 5/10/2025 14:00

鋒味安格斯煎蛋肉醬包﹕個包嘅賣相都幾靚仔，有一塊煎到微脆嘅太陽蛋，下面就係厚厚嘅安格斯牛肉，再下面就係肉醬。牛肉同麵包之間仲有兩塊白車打芝士，整體望落好足料。包烘得微脆，幾鬆軟。蛋白有少少焦香邊，蛋黃半熟。安格斯牛肉扒厚實多汁，肉質唔會太乾。肉醬有細細粒嘅肉碎，酸甜開胃。

青花椒雞翼炸到金黃香脆，聞到一股好清新又帶點刺激嘅麻香味。雞翼外皮炸得極之香脆，雞肉依然保持到嫩滑多汁，完全唔會乾身。口感層次非常分明，外脆內軟。青花椒嘅麻味會慢慢散開，幾特別。