旺角 4/8/2024 18:00

法式布甸麻糬 $15
麻糬嘅質感柔軟煙韌，裡面係香甜滑溜嘅布甸餡料，布甸表面非常平滑，帶有淡淡蛋香雲尼拿香味，唔會過甜膩。口感幼滑，入口即溶。

開心布甸麻糬 $20
麻糬外皮質感柔軟而煙韌，內裡包住係幼滑細膩嘅開心果布甸餡料，超級幼滑，一咬爆漿。開心果香氣濃厚，面層仲加左少少開心果碎，食得出粒粒脆感。

伯爵茶麻糬 $20
伯爵茶版本就係麻糬內裡包住伯爵茶布甸，茶香味濃，味道唔錯，布甸平滑，輕輕用匙羹輕碰就能感受到柔軟，入口幼滑，甜度拿捏得恰到好處，唔會過於甜膩。驚喜嘅係食到落底就食到有粒粒嘅黑糖麻糬。