「丸彈、麵爽、湯底靚」而已

by | 7 月 3, 2011 | 紅磡, 麵食 | 0 comments

郁香園牛丸麵@紅磡
3/7/2011 13:00

經金剛同小儀嘅《街坊廚神》介紹,今日去左紅磡區食街崇潔街,喺街尾發現呢間乾淨企理嘅舖頭仔。

黑椒牛丸麵 ($20)
上菜時唔洗打燈都整碗閃令令,湯底好清澈,配些少冬菜同青蔥,好清甜,飲完都唔覺口渴。麵都係好閃令令,有少許梘水味唔過份,非常幼身而且煙韌。手打黑椒牛丸細細粒,係爽滑彈牙,黑椒好香,少少味辣辣地,略嫌牛味唔夠濃厚。

牛筋丸河 ($20)
一樣清澈嘅湯底,配上滑滑比較厚身嘅河粉。牛筋丸冇牛丸咁滑,有應有嘅粗糙表面,更有彈牙,但請俾多兩分牙力。肉汁唔多,但內裡見到白白地嘅膠質,相信係真材實料嘅牛筋,但味道講不上濃郁。

兩碗粉都做到店舖標榜嘅口號「丸彈、麵爽、湯底靚」。麵係爽口嘅,算出色。湯底清得黎味道唔錯,而丸都係彈牙嘅,只論口感係無械可擊。但整體黎講,自慢嘅手打牛丸味道一般,做唔到應有嘅肉味、肉汁,亦未能帶黎深刻印象。我都係鍾意食果啲粗糙大粒、肉汁澎湃嘅牛丸啦。

Archive

0 Comments

Submit a Comment

發佈留言必須填寫的電子郵件地址不會公開。 必填欄位標示為 *

町町丼丼

九龍灣 17/10/2026 13:30 壽喜燒牛肉鍋烏冬 $61 湯底甜美濃郁,索滿壽喜燒精華嘅牛肉片軟嫩入味,而且份量超多,好足料,配搭煙韌彈牙嘅烏冬,暖笠笠極具飽足感。 滑蛋香煎雞扒丼$52...

漁都海鮮面

深業上城 11/10/2026 17:30...

雲南桂林過橋米線

尖沙咀 19/9/2026 今個周末去開尖沙咀老字號雲南桂林過橋米線食個晏。 肥牛番茄烏冬嘅湯底真材實料,番茄鮮甜味突出。肥牛嫩滑得嚟索曬酸甜湯汁,配埋煙韌烏冬食真係好夾。...

柒粉田拌粉王

旺角 5/9/2026 14:00 招牌雙拼脆皮撈粉 $52: 好足料,脆皮燒肉外皮燒得香脆,肉質肥瘦適中;醬牛肉炆得好腍滑,醬汁非常入味。撈粉嘅質地煙韌彈牙,秘製醬汁撈勻之後依然鹹香惹味。...

亞金南洋茶室

紅磡 13/8/2026 14:30 金記南洋冰室午餐非常抵食,份量足,味道唔錯。可加配小食,仲可以半價升級特飲。 無骨海南雞飯...