馬鞍山廣場 29/12/2024 12:00

和牛牛肋粒丼定食 $88

賣相非常討好。和牛牛肋粒牛肉鮮嫩多汁，牛味香濃，經過烤製帶微微焦香，內裡卻保持住柔軟，油香入口即化。日式醬汁鹹甜適中，醬香與肉香相夾合拍，層次豐富。白飯吸收咗和牛同醬汁嘅濃郁精華，香氣四溢。外加一隻溫泉蛋，蛋味香濃，撈飯一齊食加一分柔和。定食配有多樣豐富小菜，醃菜、味噌湯、甜品同飲品，非常抵食。

牛五花鍋物定食 $88

賣相吸引，牛五花肥瘦相間一片片放係火鍋面。肉質鮮嫩多汁，油花分佈均勻，薄薄一片晶瑩剔透，入口即化，搭配微酸嘅芝麻醬，非常開胃。鍋物係壽喜燒湯，除左高湯仲有甜甜嘅醬油香，濃郁香醇，將牛五花嘅鮮甜充分釋放。鍋內仲有豐富多樣嘅配料，包括時令蔬菜、滑口嘅豆腐、香菇等。最後再加入烏冬，口感煙韌彈牙，米味香濃，非常不錯。

吉列炸蝦兒童餐 $75

擺盤趣味十足，主角當然係金黃酥脆嘅吉列炸蝦，外層炸至香脆不油膩，蝦肉鮮甜彈牙。除咗炸蝦，餐點仲配有豐富多樣嘅配菜，包括煎蛋奄列配上色彩繽紛嘅小蔬菜沙律，仲有一碗迷你湯烏冬。隨餐包括一盒果汁同水果酸乳酪甜品茶。小朋友食得開心。

馬鞍山廣場 6/9/2024 12:00

今日打風多一日假期，帶小朋友嚟丼丼屋。而家兒童餐$75進化咗賣相不錯。有炸蝦、香腸，蛋奄列、烏冬變得細細碗，仲有一個乳酪同埋飲品，整體味道不錯。

咖喱滑蛋同唐揚雞丼$65：炸雞大大件炸得香脆，咖喱本身甜甜的日式口味，撈飯不錯。

南蠻雞溫泉玉子丼 $48 ：呢個竟然有五大件炸雞，炸粉本身有味，炸雞啖啖肉好多肉汁，仲有一隻半熟蛋。加$12套餐包括麵豉湯小食同飲品，非常抵食。