馬鞍山 4/5/2025 15:00

宇治金時 $48: 絕對係日式甜品入面嘅經典之作，呢度出品擺盤精美。滿滿綠茶冰加上大量紅豆、白玉，仲有一個抹茶雪糕球。綠茶冰食得出綠茶味，冰感略重。紅豆蓉熟得軟爛，味道清甜。白玉小丸子口感煙韌，食得出米香味。最好食係抹茶雪糕，濃郁嘅茶香伴隨輕微嘅苦味，口感幼滑。整體配合得宜。

紅豆相思 $38: 用料豐富，組合咗紅豆、芋圓、西米、雲呢拿椰汁冰同仙草。黑色嘅仙草舖底，口感嫩滑又帶有獨特嘅草本香氣，帶嚟一種清涼感。上面有濃郁嘅紅豆，再配上晶瑩剔透嘅西米。椰汁冰味道香濃，椰味十足，非常清涼。最鍾意芋圓，不同顏色不同味道，口感煙韌，味道香甜。由於製作出錯，附送左彩色啫喱同爆爆珠，加多酸酸嘅水果味，反而同椰汁唔係太夾。