馬鞍山 31/5/2026 16:00

Chill Sweet

麻糬芋圓桃膠椰汁西米露 $39﹕自選三款配料真係足料又豐富，麻糬煙韌軟糯，奶香味濃，芋圓Ｑ彈有嚼勁口感極佳，桃膠滋補養顏。底層係香滑濃郁，充滿椰香嘅椰汁西米露，冰涼清甜。

三寶皇

自家手工製魚肉燒賣 $19﹕經典魚肉燒賣大大粒有七粒，係恆安街市嘅名物，絕對係掃街必食！新鮮熱辣辣，燒賣口感彈牙扎實，充滿濃郁嘅魚肉鮮香，比一般足料，食落煙韌有咬口，點少少甜醬同辣油一齊食，惹味又充滿港式地道風味。

煎釀三寶 $26﹕任選六大件，香氣十足。茄子加魚肉夠香口。魚肉外皮金黃香口，口感厚實，魚味香濃。加上紅腸就更加惹味。淋上少少甜豉油已好好味。

魚肉碗仔翅 $28﹕呢碗傳統嘅魚肉碗仔翅真係暖好足料。茨汁濃度啱啱好，口感順滑濃稠。入面配料十足，有彈牙嘅魚肉、木耳絲同蛋花，啖啖都好豐富。落少少麻油、鎮江醋同白胡椒粉撈勻，酸香惹味，充滿懷舊嘅香港情懷！