馬鞍山 9/12/2024 12:00

泰式咖喱南瓜海鮮焗飯 $75

泰式咖喱香料味香濃，口味微辣，加入椰奶嘅柔滑同檸檬草嘅清新，完美地平衡晒咖喱嘅濃烈。焗飯表面灑滿芝士，焗至微微溶化形成金黃香脆嘅芝士層，每一啖都帶住濃香嘅芝士味，仲有輕微嘅煙韌感，非常好送飯。有粒粒南瓜帶一點甜味，海鮮料有兩大隻扇貝，仲有好多魷魚鬚，魚片等，鮮味十足，非常豐富。

馬鞍山 12/11/2024 12:00

泰式乾炒牛河 $75

份量唔少，炒得夠鍋氣。河粉條條分明且滑溜彈牙，牛肉幾新鮮，鮮嫩多汁。加入好多蘿蔔、菜心、豆芽增添咗清脆嘅口感，仲有少少炒蛋碎，整體味道甜甜的，相當豐富。

馬鞍山 23/10/2024 12:00

泰式蝦醬炒飯 $75

炒飯炒得乾身，炒飯粒粒分明，經香氣十足，蝦醬係呢碟炒飯嘅精髓所在，濃郁嘅海鮮香氣滲透喺每粒米之間，鹹中帶甜嘅獨特味道。材料相當多，有好多類似臘腸，豆角，加入咗鮮甜蝦仁，彈牙爽口，再配上嫩滑嘅蛋絲同翠綠嘅蔬菜，仲有好多嘅煎蛋絲。旁邊仲有腰果仁同肉鬆，可以自行加上。