馬鞍山 11/9/2025 18:00

焦糖芒果燉蛋芝士蛋糕

用積分換來試下。個蛋糕賣相好精緻，最頂係一層薄薄嘅焦糖脆皮，同焦糖杏仁片，敲落去有「卜卜」聲，下面係一層芒果味燉蛋，跟住係芒果醬夾心，最底就係芝士蛋糕餅底。成個層次分明，顏色配搭好靚。

一羹由頂挖到落底，一次過試晒所有層次。面頭嘅焦糖脆片帶嚟香甜同脆卜卜嘅口感，好似食緊法式燉蛋咁。中間嘅燉蛋好滑溜，蛋味香濃。食到芒果醬嗰層，酸酸甜甜嘅果香即刻湧出嚟，好清新，正好中和咗燉蛋同芝士嘅甜膩感。最底層嘅芝士蛋糕口感綿密，芝士味濃郁，餅底亦夠鬆脆。幾種唔同嘅口感同味道喺口入面融合，感覺好豐富，好有驚喜。