馬鞍山 11/5/2026 18:30

招牌去骨海南雞飯 $39﹕雞肉去骨切得厚薄適中，皮爽肉滑之餘仲帶有豐富嘅肉汁，肉質極之鮮嫩。薑油飯粒粒分明、索晒雞油香嘅黃，真係香氣四溢。再點埋傳統嘅惹味姜蓉同酸辣泰式辣汁，完美昇華咗雞肉嘅鮮甜，絕對水準之作！

香茅豬扒飯 $29﹕豬扒厚切且肉質鬆軟入味，經過煎香後外皮微脆，入面依然保持到豐富肉汁，完全唔會乾柴。

泰式豬腳 $13﹕份量唔少，肉都幾多。豬腳炆到極之軟淋入味，皮膠質滿滿、入口即化，肉質酥軟唔韌。泰式醬汁酸辣開胃嘅，完美中和咗豬腳嘅油膩感，酸酸辣辣極度刺激味蕾，令人食唔停口。

香煎雞翼飯 $21﹕四大隻雞翼表面煎到金黃香脆，鎖住咗入面嘅肉汁，外脆內嫩，咸香惹味。

黑椒煎雞扒 $12﹕雞扒煎到外皮香脆，肉質厚實嫩滑，微辣嘅黑椒香氣完美滲透入雞肉入面，刺激又惹味。