牛奶冰室

by | 6 月 19, 2026 | 小食, 港式, 甜品, 茶餐廳, 馬鞍山 | 0 comments

馬鞍山 19/6/2026 17:00

牛奶冰室下午茶真係抵到一個點。

豬扒炒公仔麵 $51﹕鑊氣十足,一上枱已經香氣撲鼻。公仔麵炒到條條分明兼夠乾身,索晒醬油同蔥香,口感煙韌彈牙。豬扒厚切大件,經過醃製後煎到外皮微脆,肉質依然保持嫩滑多汁。啖啖麵配埋啖啖肉,惹味又飽肚。

星州炒貴刁 $50﹕充滿南洋風味嘅炒貴刁鑊氣十足,非常香口惹味。河粉炒到邊位微微燶香,煙韌彈牙,調味香帶輕微咖哩辣度。配料豐富,火腿、鮮蝦、雞蛋、韭菜同芽菜等。

焗鮮茄豬扒飯 $43﹕份量一啲都唔輕量,熱辣辣,面頭厚厚嘅芝士焗到金黃微焦,拉絲效果理想。底層係酸甜開胃嘅新鮮番茄汁撈飯,配埋外脆內嫩嘅厚切焗豬扒。茄汁嘅天然果酸中和咗芝士同豬扒嘅膩感,開胃又滿足。

冰火菠蘿油 $12﹕外層嘅菠蘿包皮焗到金黃酥脆,面頭嘅格子香甜鬆化,加熱後暖笠笠。夾住一厚片冰凍牛油,利用包身餘溫慢慢融化喺熱辣辣嘅包心入面。一口咬落去,冰火交融嘅口感加上濃郁牛油香。

經典西多士 $20﹕厚切方包沾滿蛋漿後炸到外脆內軟,切開入面有香濃嘅花生醬夾心。面頭放上一大塊牛油,再淋上滿滿金黃糖漿,甜絲絲同鹹香完美結合。

Archive

0 Comments

小明珠川滬菜

牛頭角 31/10/2026 14:00 最鍾意呢啲地舖小店,食物款式多。 小籠包$45: 皮薄餡靚,輕輕咬開即湧出鮮甜滾熱嘅肉汁,肉餡鮮甜。 菜肉雲吞$42: 份量充足,雲吞大大粒,皮滑肉香。...

村姑美食餐廳

沙田石門 24/10/2026 14:00 砂鍋煮雞煲 $118:...

天澄閣

馬鞍山 20/10/2026 12:30...

町町丼丼

九龍灣 17/10/2026 13:30 壽喜燒牛肉鍋烏冬 $61 湯底甜美濃郁,索滿壽喜燒精華嘅牛肉片軟嫩入味,而且份量超多,好足料,配搭煙韌彈牙嘅烏冬,暖笠笠極具飽足感。 滑蛋香煎雞扒丼$52...

有囍糖水舖

深圳中航城 11/10/2026 15:30 點評積分換霸王餐,新開糖水店食兩個甜品。...