1/12/2024 09:30

成功搶到屋苑高衛「童」行2024主題樂園探索之旅門票，11歲以下每位$168，12歲或以上$188，真在係超抵。

今次搭MTR自行入迪士尼，問工作人員拎門票，就可以自由去玩，名義上需要你做小冊子嘅題目，到指定時間搵番工作人員換禮物。

已經踏入聖誕節，處處有氣氛! 10:00開門已經好快入到場，第一站直衝新園區「冰雪奇緣」。園區佈置真係高還原度艾倫戴爾王國嘅場景，在仲好有聖誕節氣氛。趁無人先係小鎮中央嘅友誼噴泉打卡，超正，完全獨霸。

魔雪奇緣雪之旅，登上小船，穿越各個故意場景，不過最後一下由高處滑下瀑布，真係勁有離心力。

「森林小天地」可以經App預約時間，係一個互動小劇場，可以同安娜同艾莎互動唱歌，兩位公主都好靚，劇場氣氛不錯，小朋友鍾意。