1/7/2024 08:00

8:00左右就出發，掉張卡入去快速退房箱就走得。天氣很好，決定行去樂園，順便去入口處打卡。

08:45 就到船尾入口，今日係平日人流明顯比較少，入場快好多，趕得上睇到開幕歡迎式，仲同吉祥物影相。用最快速度去客戶服務中心攞一本蓋印小冊子，今日嘅目標就係完成蓋印。

酒店客人可以提早9:00入場，呢個感覺實在太優越。趁冇乜人，先玩咗最熱門嘅機動，必定係海洋單軌車，見過呢個單軌車要排上70分鐘，真係超人氣。今日即刻入嚟排幾架車就上到，坐喺鯨魚單軌車，可以睇到樂園全景，人流非常稀少，太正。之後再坐潛艇，極速飛魚等其他機動。

因為細佬唔夠高，所以分開玩，可以同家姐玩百慕達歷險，幸好入場就排到呢場，但都差不多等咗15分鐘先入得。全球體螢幕實在好壯觀，座椅會有搖晃，吹風，噴水嘅效果，相當不錯。

幼兒專享遊樂活動有波波池，坐車車。

沿途遊覽，印象最深刻係水底嘅角度睇鯨魚。