20/4/2025 09:00

今行係全家總動員一共六大三小第一次出境輕旅遊。珠海長隆海洋王國又岩小朋友，係一個入門級不錯的選擇。旅遊只能係學校假期，復活節始終係旺季。還好揀左星期日一，已經過左出境嘅高峰期。

交通揀「環島中港通」，由大圍至長隆企鵝酒店，大小同價每位$150。網上訂購後收到SMS，直接到站頭出示QR Code登車，非常方便。09:00喺大圍上車，旅遊巴途經荃灣，之後就直去港珠澳大橋，車程大約45分鐘已經到達香港關口。還好真係過左出境高峰，過關人流唔算太多，人工櫃台都係十零分鐘已經過晒，仲可以試試7歲以上小童首次用e道自助過關。離開口岸後，搵番中港通站頭上巴士，呢程就係行全程「港珠澳大橋」。10:45已經到達珠海口岸，又係十零分鐘已經成功過關連過行李。最後一程巴士就係去關口嘅停車處搵番去酒店嘅接駁巴士。停車處改善左好多，指示非常清晰，搵酒店巴士亦非常容易。一路暢通，11:45已經成功到達「長隆企鵝酒店」。

企鵝酒店實在太大，Check In Counter實在太多人，好彩得職員提示，原來可以去另一櫃台先取門票，夜晚玩完先再取房卡。呢個措施實在太正，慳左好多時間。最後寄存行李就立即出去玩!

今次係Klook買珠海長隆酒店玩樂兩大一小套票。包珠海長隆企鵝酒店住宿一晚、海洋王國兩日門標準票成人2張及兒童1張、《卡卡虎奇遇記》普通座門票成人2張及兒童1張。期間限定，每房仲可享免費享1份兒童自助早餐一份。每套票$1572，非常抵玩。