深圳喜薈城 25/7/2024 16:00

美奈雙人下午茶 54.9元

芒果魚柳米紙卷賣相實在太靚，米子卷包住好多新鮮蔬菜，仲有一件脆魚柳，沾上酸甜汁，非常清爽。香茅雞肉串有四大串，雞肉幾滑，香茅甜甜地，味道好香，好食。跟餐飲品係香檸甘蔗汁，甘蔗汁之上加咗青檸味道，個人嚟講覺得怪怪地。不過下午茶餐平日限定，非常抵食。

另外加咗一碗兒童餐牛肉湯河，只需9.9元。雖然細細碗，但係仲可以免費續麵。河粉非常幼滑，湯底清甜，牛肉都幾甜，呢個價錢實在太抵。

感覺幾正宗，價錢唔貴。