深圳之眼 18/1/2026 19:00

充滿大漠風情

新鮮羊肉串16元﹕羊肉串肥瘦相間，燒到外層微微焦脆，逼出甘香嘅羊油。一啖咬落去，肉汁喺口腔入面瞬間爆發，肉質極之鮮嫩，微微羶味，灑喺面頭嘅孜然香料，非常惹味。

香烤戰斧羊排 20元﹕賣相霸氣十足，烤到金黃酥脆，入面軟腍多汁。豐富嘅羊脂，味道好香。肉質極之有咬口得嚟又唔會覺得韌。

新疆羊排手抓飯 39元、新疆碎肉手抓飯 31元﹕手抓飯嘅精華在於飯粒吸滿咗鮮甜嘅羊肉高湯同甘筍精華，炒到粒粒分明，口感煙韌彈牙。羊排手抓飯上面有件炆到極之軟爛嘅羊排，輕輕一咬就骨肉分離，肉香同黃甘筍嘅清甜完美融合。而碎肉手抓飯就將鮮香嘅羊肉碎同埋飯粒混合，每一口都有肉汁爆破出嚟，好味。