深圳水圍 15/3/2026 18:00

呢度嘅炭火燒烤極之夠火候，每一串都燒得香噴噴。今晚我哋叫咗滿滿一枱招牌嘢食，極滿足。

「炭烤牛肉」(19.8元) 肉質極之嫩滑，牛味濃郁，火候控制得啱啱好。「炭烤五花」(19.8元) 肥瘦相間，燒到外層金黃微脆，充滿油香。「牛胸口油」(24.8元) 真係極有驚喜，超級爽脆彈牙，牛脂香氣滿滿。「炭烤肥腸」(11.8元) 處理得極之乾淨，外皮燒到微焦香脆，入面依然保持軟腍，醬汁極之入味。至於霸氣十足嘅「阿根廷大魷魚」(12.4元) 肉質爽彈鮮甜，配埋特製醬汁一齊食，鮮味十足。「家常蛋炒飯」(20.8元) 炒得極有鑊氣，飯粒分明，簡單嘅雞蛋同蔥花香氣配合，飽肚又好味。

另外，叫左個管飽套餐 (71.4元) 「炭烤雞脆骨」燒得極之香口，咬落去脆卜卜，口感層次極之豐富。「精品羔羊肉」，羊肉香而不羶，加埋惹味嘅孜然粉，惹味。「炒蛋炒米粉」 炒得非常乾爽，調味咸香，味道不錯。