27/12/2025 14:45

下一站係台電南部展示館，非常適合一家大細冷氣開放嘅室內景點，最重要係完全免費入場！館內設計非常用心，將原本深奧嘅發電同能源知識，變成好多好玩嘅互動遊戲同立體劇場。成個展館最受小朋友歡迎嘅，一定係嗰條兩層樓高嘅巨型室內滑梯。遠望可以見到兩個核反應堆。

時間尚早，係無任何準備嘅情況下，臨時加插「天空之鏡」，去到完全唔知發生咩事，以為係拍攝景點，付上門票每位NT$600，幼兒NT$300，仲感覺有啲貴，點知好戲在後頭，處處有驚喜。

門票包十分鐘沙灘車玩樂，由教練帶領試車行圈，以為就完左。點知全副武裝，一人一車，跟教練穿越叢林同沙丘，家人話呢個越野探險，真係非常刺激。

之後一行人再坐高爾夫球車上山，司機叔叔非常盡責，親自開車陪我地上去。沿途山路崎嶇，真係唔知去左深山邊個地方。原來係一個山上嘅大平地，職員利用鏡面道具就影到「天空之鏡」嘅效果。是次拍攝左搞笑嘅戲劇效果、圓形秋千、方形拱門、沙灘車等。過程非常開心，越影越上癮。

落山之後收Airdrop收番所有高清相片，都影左幾十張，效果出乎意料的好，倒影效果靚，成個構圖都係靚，難得係旅程中加插一個影家庭照嘅機會。