28/12/2025 10:00

事前係Klook已經買好門票，雙人票$99。長者及兒童即場買票NT$100，幼兒免票。

號稱「墾丁小奈良」嘅「鹿境」梅花鹿生態園區，就係河堤酒店對面，步行三分鐘即達，正好消磨一個上午。一行入園區，先聽工作人員講解安全守則。入門級可以先接觸圍欄內面嘅梅花鹿。之後再行入圍欄內，梅花鹿可以自由自在散步，呢度嘅鹿仔非常溫馴，可以零距離摸下佢哋順滑嘅毛髮，同佢哋瘋狂自拍。門票包左一份菜葉，一群鹿走晒過黎搶食，拍攝鏡頭一流。小朋友初頭驚驚地，之後已放心自己玩。
令小朋友驚喜嘅，係園內仲養咗可愛嘅水豚。水豚懶洋洋，任摸，呆萌樣子非常得意。
工作人員落力維持秩序同清理場地，場地打理得非常乾淨，無難聞嘅氣味。最後玩到11:30離開。

園內