28/12/2025 13:00

離開「鹿境」，見仲有啲時間，行6-7分鐘搵呢間寶雅入貨。黎墾丁幾日，完成零手信，只期望係寶雅買到些少。呢間店都相當大，兩層高，日用品、零食、飲品都一應俱全。

買完野後，就返酒店收拾，係酒店二樓交誼廳有迷你兒童玩樂區，仲有梳化，有埋茶水，整理一下就等司機接。

準時一點起程，沿途經過恆春古城，中停一個休息站買支野飲，三點到達高雄，黎到是次入住嘅福容徠旅。

墾丁包車總評

第一次玩包車旅遊，經朋友介紹呢間公司老闆，話讚不絕口。初步係Whatsapp傾左，價錢合理，仲已經建議左兩天行程，事前服務都相當周到。三天接送由Tony負鍾哥負責，手車穩陣，非常親切，熱心介紹景點，到餐廳、景點都會幫忙打點安排，真係非常專業的導遊。車款係九人Benz，老闆話仲係新車落地，車箱都算好闊落，車尾都夠晒位放行李，而且仲有無限量支裝水提供，的確讚!

第一天﹕高機場接機，墾丁半天遊 NT$5,000

第二天﹕墾丁一天遊 NT$6,000

第三天﹕下午單程由墾丁回高雄 NT$3,500