30/12/2025 11:30

今日去機場隔離嘅鈴鹿賽道樂園同高雄大魯閣草衙道購物中心 SKM Park Outlets玩一日。捷運前金去美麗島，再轉紅線直到捷運草衙站，全程20分鐘，其實真係好方便。黎到已經好有歐陸風情。

早前係Klook做快閃，買到勁平嘅門票，鈴鹿賽道樂園無限暢遊券二人票只需$150(成人原價NT$980，兒童NT$890)。現場只需補買長者一張 NT$490同幼兒票一張NT200，可以玩足全日，勁抵!

小朋友最鍾意玩甩尾小車手，細細架車仔可以自己揸，好玩。

酪奇拉駕駛學校可以學者駕駛知識，大人都玩得好過癮，不停encore。

摩天輪同旋轉木馬係快版，好快就行左一個圈。

大人就鍾意玩越野大冒險，同甩尾車，估唔到咁好玩 。

還好遊客唔太多，每個遊戲等十幾廿分鐘都可以玩到。

上半場玩到成2:30pm先捨得走。