31/12/2025 10:00

酒店步行幾分鐘去前金站搭60號巴士，直達科工館，全程約20分鐘，NT$12。

呢度係台灣最具規模嘅應用科學博物館，又好玩又有意義，非常適合親子遊。門票成人 NT$120。第一站係最岩小朋友嘅「Fun城市展示廳」(體驗設施NT$30)，絕對係細路嘅最愛，呢個展區就係一個迷你版嘅真實道路世界，小朋友可以揸電動車仔行喺真實比例嘅模擬街道度，沿途仲有紅綠燈、斑馬線同交通標誌，時間短短，但都非常好玩。博物館各層唔同主題，空間感十足，設施都幾新，互動感強。玩到差不多一點離開。