27/12/2025 10:00

今日行程係先繼續去墾丁南部，之後再逐步北上。十幾分鐘車程就到達鵝鑾鼻燈塔。今日陽光普照，真係非常舒服。第一站係被譽為「東亞之光」嘅鵝鑾鼻燈塔，絕對係一家大細打卡嘅首選。成座純白色嘅燈塔配上藍天白雲，影家庭相出嚟嘅效果簡直一流。最令小朋友開心嘅，係燈塔出面有一大片綠油油嘅大草地，可以盡情喺草地上奔跑放電。

大約十一點就出發去台灣最南點。原來都係幾分鐘車程，不過落車後再行一段山徑，好似睇唔到盡頭咁。行左差不多十分鐘，終於到達打卡景點，真正用以用一望無際來形容。步行來回連打卡大約45分鐘走人。