2015九州蜜月追櫻之旅 第四日 [4.1 くまモン主場到著]

by | 4 月 1, 2015 | 2015九州蜜月追櫻之旅, 九州, 旅遊, 日本 | 0 comments

黎到九州遊中段,終於有得搭新幹線。JR Pass北九州版除左可以搭北九州JR外,仲包去熊本嘅新幹線。新幹線會使用另一個改扎口進出,八點九上到大堂,明顯比JR更大更豪華。
 
大堂仲有多間便利店、便當店,仲有好多未見過嘅特色便當。可惜剛才已買左早餐,如果知道一定會黎呢度選購。
 
上到月台更覺得新幹線實在好豪華,幾架長長嘅鴨咀獸就停泊喺月台。車身潔白光滑,配多多嘅鴨咀,就係日本子彈火車嘅特色。一心諗住帶上黑仔Hello Kitty同熊本熊鬥黑,而家就先同白雪雪嘅火車相輝映。
 
博多去熊本好似距離好遠,但憑新幹線時速300km運行,三十五分鐘就黎到熊本。搭上9:09把握呢半個鐘時間完成我地嘅早餐。剛才喺博多站中央商店買左呢款車站人氣No.1「長崎街道便當」 (¥930),一試究竟。

便當主題係「豊前国小倉常盤橋」至「肥前国長崎」嘅風光,用上沿線各區嘅著名食材,整合成高級豐盛嘅料理。便當中間正係博多常見嘅かしわめし三色飯,係甜醬之上舖滿紫菜、蛋絲同雞肉鬆,入口香甜,配餸式單食亦得。右下角係穂先筍煮配豆菜、冬菇、蓮,用上甜甜嘅醬汁醃煮,平時唔食竹筍,試過就覺得竹筍煮得非常入味,少食一啖都無所謂啦。右上角有肉丸燒賣、南瓜配海茸粕漬,好似芥辣味嘅海鮮類茸,味道怪怪地。左上角係主食有鹽燒三文魚,相當鮮味,味道唔錯。仲有醬煮牛肉,煮到入晒味,非常下飯。而蝦新鮮不特此,仲已經細心去殼,食起黎相當方便。紅色同綠色嘅小丸子原來係魚蛋,甜甜地口感幾彈牙。最後左下角係飯後甜品,有紅豆羊羹、枇杷等。部份食材好獨特,唔常見,志在一試都OK呀!
 
食完個早餐話咁快九點九就到熊本,車站用台更新淨豪華。落到大堂真係好靚,改札口外仲有大大間地產店,十足一個新型大商場咁。出閘後先去觀光案內所買票,今日會用上電市一日券同熊本城湧湧座共通入場券。
 
四月一日黎熊本黎得正好,剛好熊本交通局新發行左一張市電専用の1日乗車券 (¥400),可以一日放題乘搭兩線市電,電車每程要¥150,三程已有賺,實在太感恩。早前多數旅人會選用可以搭市電加巴士嘅「わくわく1 Dayパス」,四月一日後加價¥200至¥700。如果只需要上電市已經去到想去嘅景點,一張市電專用券係最好嘅選擇。就係咁,兩個人又慳左¥600,幾乎夠食一碗拉麵。
另外,又買多埋熊本城、湧湧座共通入場券 (¥600)。買嘅時候服務員小姐好似怕我地唔知市電券有優惠,唔想賣票俾我地。但一早計過數市電券景地門券有八折優惠,熊本城折後價¥400,湧湧座折後價¥240。但呢款共通入場券只要¥600,呢¥40都可以慳埋。
 
熊本係呢隻黑熊くまモン熊本熊嘅主場,去到邊都見到呢隻肥野。離開新幹線站過隧道去番JR車站,連樓梯仲有呢隻肥野。JR駅二樓有幾間餐廳、店舖,樓下有土產店等,行一陣就繼續前進。
 
 
離開熊本駅,站外就已經見到電車站。熊本旅遊主要靠電車就夠,分A、B兩線,可算去得晒著名嘅景點。班次都幾密,只係行車速度比較慢。就黎個慢遊熊本吧。
 

Archive

0 Comments

Submit a Comment

發佈留言必須填寫的電子郵件地址不會公開。

靚靚冬甩

下午茶時間少少肚餓,上網見過大街餅店嘅甜品靚到不得了。一入去就見一個大甜品櫃,放滿冬甩,件件冬甩都有唔同卡通人物嘅特徵。最後女女揀左黃色嘅Winnie The Pooh。...

奇幻快餐

火箭餐廳@迪士尼樂園 23/5/2022 13:00 一家人黎迪士尼參加女女幼稚園畢業禮,之後玩足一日,午餐係火箭餐廳解決。...

泰炙美见新加坡料理

泰炙美见新加坡料理@ 深圳KKOne 13/10/2019 12:00

Lady 7

Lady 7 @深圳歡樂海岸 1/7/2019 12:30 紫水晶雲朵冰沙 歡樂熊提拉米蘇魔方吐司 原味Lady千層 明丸子意大利麵...

2018東京家庭樂 [6.2 特色杯麵]

芝士咖哩杯麵 ¥158咖哩有芝士粒粒,食中就好濃味,只係芝士粒粒,唔係整體。咖哩湯好厚好杰,味道濃,好香只帶微辣,配料有肉粒。 蔦 ¥278醬油未湯底,魚介油幾香,青蔥味...