深圳翠竹 6/4/2026 17:00

大滿貫煎餅 25元﹕外層嘅煎餅皮煎得好香，食落有濃濃嘅蛋香同麵香。入面包住超多材料，雞肉、火腿、生菜等，仲有超大塊嘅薄脆，咬落去超級香脆。配埋入面極之豐富嘅配料同秘製醬汁，鹹香同微甜平衡得啱啱好。外皮柔軟、內裡卜卜脆。

芝士海苔肉鬆沙拉烤冷麵 20元﹕烤冷麵本身煎得好煙韌，帶有微微嘅焦香。入面夾住半溶嘅芝士、鹹香嘅海苔同滿滿嘅肉鬆，再唧上香甜滑溜嘅沙拉醬。芝士嘅奶香同沙拉醬完美融合，配埋肉鬆嘅鬆脆口感，好味。

照燒奥爾良雞扒烤冷麵 18元﹕烤冷麵入面包住一大塊鮮嫩多汁嘅奥爾良雞扒，雞肉本身醃得好入味，帶點微微嘅惹味辛香。配上濃郁嘅照燒汁，醬汁嘅甜香同雞肉，非常惹味。