領展中心城 28/9/2025 19:00

今次外賣粵菜點心，幾款味道都唔錯。

XO醬炒蘿蔔糕 28元﹕份量算多，有好香嘅XO醬海鮮味。蘿蔔糕切成正方細粒，外層煎到金黃焦脆，均勻咁沾滿咗XO醬同豆芽、韭菜等配料。蘿蔔糕本身都幾清甜，仲有蘿蔔絲實在質感。XO醬帶微辣同鹹香，仲幾有鑊氣。

牛腩腸粉煲 38元﹕底層鋪滿咗滑溜嘅腸粉，上面鋪滿咗炆到入味嘅牛腩同牛筋。牛腩炆得好腍，肥瘦適中，牛筋更加係充滿膠質，入口即化。腸粉吸收晒牛腩汁嘅精華，變得非常入味，鹹中帶甜，口感滑嘟嘟，腩汁味道不錯。

排骨蒸陳村粉 36元﹕陳村粉薄薄，上面放滿咗排骨。排骨蒸得啱啱好，肉質嫩滑多汁，醬油香味滲晒入去。主角陳村粉非常薄身，口感爽滑得嚟又有米香，重點係佢好吸汁，吸晒排骨嘅肉汁同醬油味，不錯。