深圳In城市廣場 12/4/2026 18:30

客家牛腩煲69.9元﹕牛腩非常腍，牛肉好入味，吸晒啲客家獨門醬汁，又保留到牛肉原本嘅鮮甜，幾惹味。底下啲蘿蔔仲淋得嚟又甜，吸晒牛腩同醬汁嘅精華，夾埋白飯，正！

煎釀蛋餃煲 29.9元﹕蛋餃煮到金黃色，好香蛋味，裡面啲餡係新鮮剁碎嘅豬肉，肉汁足又夠哂味。蛋餃吸晒啲湯底嘅精華，充滿家鄉風味。

老壇酸菜魚 53.9元﹕金黃色嘅湯底帶住撲鼻嘅酸香，酸菜味同少少辣嘅麻香即刻爆開，魚片切得夠薄又滑溜，每塊都索晒湯汁，食落去冇腥味，非常開胃。

童年水蛋 19.9元﹕原來係媽媽的味道，蒸蛋非常奶滑，加上啖啖鮮味嘅蜆同大蝦。蛋香清新，大蝦同蜆肉嘅鮮甜滲晒入去，食落去又滑又有海鮮味。

客家炒飯 36.9元﹕非常夠鑊氣嘅客家炒飯，飯炒到夠乾爽，粒粒分明，配料又多又香，有鹹有香。