中航城 7/10/2025 17:00

手工峽山湯粿 18.8元﹕望落去好樸實，個湯底非常清澈，味道鮮甜，有大地魚同豬骨嘅香味。麵條係用潮汕傳統嘅幼麵，口感爽滑彈牙。配料有肉片、魚片、同菜，每樣都好新鮮，好溫暖嘅家鄉風味。

峽山湯餃 18.8元 ﹕同湯麵差不多，不過麵底就轉左小餃子，粒粒飽滿，皮薄餡靚。

叉燒乾撈麵配紫菜湯 26.8﹕叉燒切得厚薄適中，感覺偏肥更加油香，燒得邊位帶少少焦香，蜜汁味好夠入，食落去肉質鬆軟。麵底係用咗傳統嘅全蛋麵，爽口彈牙，撈麵嘅醬汁調得好惹味，鹹甜適中，每一條麵都掛滿醬油，撈埋少少蔥花同炸蒜，非常香口。跟餐配埋碗紫菜湯，呢碗湯都幾足料。湯底清清哋，唔會太鹹，入面有好多紫菜，可以解膩，仲有爽口彈牙嘅魚片，不錯。