深圳水圍 15/3/2026 17:00

潮汕大目牛雙人餐 137元，入會即時優惠價19.9元加多一碟牛肉。

呢度最出名係濃郁惹味嘅「沙爹鴛鴦鍋」，一邊係沙爹香氣撲鼻，帶住微辣同花生香，味道的確超香濃；另一邊牛骨湯清甜鮮香，雙重享受配搭得極之完美。「嫩牛肉」極之滑溜鮮甜，放落滾湯淥短短幾秒就食得；「肥胓肉」油脂分佈極之靚﹔仲有肉味濃郁嘅「牛匙肉」，肉質鮮嫩無比。「熟牛腩」炆得極之軟腍入味，牛筋部位入口即化。而「手錘熟牛肉丸」更加係驚喜之作，手打得極之起膠，咬落去超級爽脆彈牙，肉汁滿瀉。「水果玉米拼貝貝南瓜」絕對係清甜之選，粟米超爽甜，南瓜就腍又香。最後，加一個「出前一丁公仔麵」放入濃郁嘅沙爹湯底度煮，麵條完美索晒湯底精華，每一啖都惹味到令人停唔到口。