深圳益田假日廣場 25/12/2024 18:00

潮汕肉卷飯 28元﹕潮汕肉卷就好似午餐肉味道，魚蛋嘅口感，爽口彈牙，魚蛋口感。每份客飯都配上少量菜脯煎蛋同捕菜，呢個價錢絕對抵。

鵝肉拼豬腳飯 36元﹕鵝肉賣相不錯，肉質軟嫩，食得出鵝肉鮮甜。經過滷製，每一塊鵝肉都充滿濃郁鹹香，鵝皮滑，鵝肉嫩而多汁，滷水汁入晒味。豬腳膠質豐富，有軟糯嘅筋膜同瘦肉，滑溜不油膩，滷汁味道更加咸香。

菜脯煎蛋 28元﹕蛋味亦相當香，煎得外層微微酥脆，中間仍濕潤有蛋汁。中間有大量菜脯，食得出嘅咸香味。

啫啫肥腸煲 68元﹕大火爆炒肥腸加上大量洋蔥同薑片，好惹味。肥腸有脂肪但唔算油膩亦無腥味，口感滑嫩彈牙。肥腸吸收了醬汁，鹹甜鮮香味道，正好用黎拌白飯一齊食。