深圳皇廷廣場 26/4/2026 17:30

今次主攻咗幾款招牌串燒，每款食材炭香十足，調味重手得嚟又唔會遮過晒食材本身嘅鮮味。
純羊小串 25.8元﹕羊肉燒得啱啱好，表面微微帶焦，入口油香四溢，羊味香濃得嚟夠羶，表面撒滿嘅孜然粉同辣椒粉，超級惹味。
小嫰牛 25.8元﹕呢款串燒食落極之軟嫩，牛肉完全無燒到乾爭爭，反而鎖得住滿滿嘅肉汁，鮮甜嘅牛肉味配上濃郁嘅燒烤調料，正!
牛舌 7.8元﹕切得厚薄適中，燒完之後外層帶住微微嘅焦香，咬落去極之彈牙爽脆。
魷魚鬚 24.8元﹕表面塗滿咗秘製醬汁再用猛火猛烤，帶住陣陣迷人嘅煙燻炭香，口感煙韌。