中心書城 31/8/2025 18:00

霸氣叉燒香菜腸 21.9元﹕個樣睇落已經好吸引，皮薄到可以透光，隱約見到入面嘅餡料。腸粉皮食落有好香嘅米味，口感超級嫩滑，幾乎入口即化，配埋甜豉油真係一絕。叉燒切得好細粒，肥瘦適中，同滑溜嘅腸粉一齊食，口感豐富。

牛肉香菜腸粉 18.8元﹕味道都唔錯，牛肉好新鮮，夠嫩滑，香菜味平衡。

脆皮餃 5元，炸到金黃香脆，入面嘅豬肉餡多汁，味道調得啱啱好，點少少醋食更加開胃。

香草魚餅 6元﹕口感彈牙，魚味帶微辣。

金湯酸菜魚 27元﹕份量足，一上枱就聞到好香嘅酸辣味。魚片都算幾滑又冇骨，索晒啲湯汁，非常入味。個湯底酸度同辣度平衡得好好，唔會太刺激，不過都係一般出品，不及專門店。