深圳石廈時代廣場 6/7/2025 18:00

老鄭家東北春餅東北風味菜

京醬肉絲春餅套餐39.9﹕京醬肉絲有濃郁醬香、肉絲鮮嫩開胃，醬料鹹中帶甜，風味醇厚，均勻地包裹著每一條豬肉絲。仲有清炒瓜菜，配搭清爽，中和肉絲嘅濃郁。春餅皮薄如紙，口感柔軟而富有嚼勁，能完美包裹各式豐富餡料，按個人喜好選擇喜歡嘅材料，好味。

東北白菜豬肉水餃 30.8﹕每一粒水餃都大大粒，又夠飽滿，手工製作嘅餃子皮薄而帶有韌性，外皮滑潤。包裹著豐富嘅內餡，鮮嫩嘅豬肉末、清甜爽脆嘅白菜混合，口感豐富，仲充滿肉汁。

東北酸菜粉 32.8﹕東北酸菜粉係一道極具代表性嘅東北佳餚，少見酸爽風味嘅炒粉。粉絲口感滑順而富有嚼勁，粉絲中間有大量酸白菜，其酸香開胃又夠解膩，加上肉絲煸炒後，有濃郁嘅酸鹹香滋味。

東北豆沙餅 18.8﹕外皮金黃酥脆，口感酥脆而不油膩，中間包裹香甜細膩嘅豆沙餡，豆沙餡甜度適中，保留了紅豆本身嘅香氣，綿密入口即化。

東北特色麻花 8.8﹕大大條金黃誘人同酥脆嘅炸品，香氣十足。外酥內鬆化，加些煉奶就非常好食。

老鄭家韭菜盒子 9.8﹕金黃酥脆半月形外皮，外皮薄脆而帶有嚼勁，內裡包裹著滿滿嘅鮮香餡料。餡料以新鮮韭菜為主，搭配雞蛋、粉絲，香氣濃郁撲鼻，口感都相當豐富。