深圳領展中心城 11/5/2025 18:00

烤羊肉串 36元﹕每一串羊肉串睇落都非常吸引，色澤均勻，炸得微焦，外焦內嫩。有香濃嘅羊肉膻味，味道咸香適中。烤肉上嘅香料調味亦係恰到好處，胡椒、孜然同辣椒粉嘅比例非常均勻，帶有微微碳烤香，味道強烈。

酥皮肉夾饃 16元﹕酥皮外層烤到金黃色，色澤誘人，輕輕用手撕開，層層分明嘅酥皮，散發住淡淡嘅麵香，感覺輕盈而唔油膩。內餡係醃製豬肉夾心，味道香濃惹味，有五香調味，入晒味，再加上一啲特製嘅醬汁，好惹味。

土豆南瓜炖牛腩燜飯 46.9元﹕土豆南瓜炖牛腩燜飯嘅外觀相當吸引，牛腩非常足料，仲有大量薯仔同南瓜。牛腩燉煮到入口即化，肉質軟腍，部份位置有筋膜膠質都非常軟腍，牛腩本身嘅鮮甜，再加上醬料甜甜的，非常入味。薯仔同南瓜煮得軟糯，有自然嘅甜味，仲有醬汁甜味，撈飯絕對正斗。而且附件清菜，整體夠健康。燜飯份量亦非常足夠，夠飽足。

黃米涼糕 19.9元﹕呢款傳統甜品極具特色，黃米涼糕係兩層不用顏色嘅小米，面層係黃色，下層係白色小米，表面光滑平整，均勻緊實。味道微甜，食得出天然米香。口感煙韌有黏度，輕輕沾上桂花蜜，加一點清甜，更加好食。

實付122元，味道不錯，抵食!