深圳寶能環球匯 13/7/2025 12:00

二人餐 107.9元，一次過排晒出黎份量勁澎湃。

牛骨湯口感濃郁順滑香甜，唔算太多味精。呢個二人餐有多款唔同牛肉部份，原切前胸牛肉、雪花牛肉、安格斯後胸、谷飼肥牛、小嫩肩牛肉、小嫰肩牛肉、嫰滑牛肉、肥牛卷。牛肉質素認真麻麻，感覺都係平價質素，碎濕源，更可能係合成牛，每款味道同口感都差不多。

潮汕牛肉風味丸口感幾彈牙，都有啲牛肉鮮甜味同牛肉汁。牛肉滑即係剁成細膩嘅牛肉泥，再加入調味料，煮熟後質地和滑嫩，入口即化。牛肉蛋餃係將調味好嘅牛肉餡包喺薄薄嘅蛋皮中，形狀小巧可愛，煮熟後，蛋皮滑嫩，牛肉餡多汁，味道不錯。另外仲有炸腐皮炸至金黃酥脆，放入火鍋中稍微涮煮後吸滿湯汁，外層依然保有些許酥脆，內裡則變得柔軟多汁。蔬菜都有幾款，有金針菇、生菜、土豆片，可以解膩。最後加一個麵條，吸滿牛骨湯，夠晒飽肚。