馬鞍山 24/7/2024 12:00

午餐定量肉非常抵食，穀飼牛配鮮雞餐$99。

店內提供多款湯頭選擇，包括濃郁的藥膳湯、微辣的麻辣湯和清爽的昆布高湯。今日揀咗紅燒和牛湯底非常惹味香甜，本身湯底都有幾件牛腩，煮得非常入味。

主菜手切牛肉片都幾鮮嫩，肥瘦適中，輕輕煮熟都幾腍滑。雞件都幾新鮮，有雞味。

火鍋自助區種類豐富，有彈牙手工肉丸、香腸、包心丸、多款新鮮蔬菜菇類。有多款特製醬汁可自由調配，芝麻醬配牛肉最適合。自助飲品區仲有多款汽水、台式果汁飲品。最後自助任食愛文芒併3.5牛乳雪糕，香滑味濃，仲可以加上唔同嘅朱古力配料。