科學園 19/10/2025 12:30

紅燒半筋半腩牛骨湯麵 $75﹕牛肉炆得非常軟腍入味，牛筋部分更加係入口即化，充滿膠質。紅燒湯底濃郁，麵條粗身，掛湯能力好強，食落去好彈牙。

鹽酥大雞排湯麵 $68﹕鹽酥雞超大塊，視覺上已經好震撼。外皮炸得香脆，內裡肉汁豐富，九層塔嘅香味好突出，非常惹味，雞肉本身仲好厚實，肉質嫩滑多汁，湯麵嘅湯底比較清甜，口感軟滑得嚟又帶點彈性。

醬燒豬頸肉肉燥飯 $68﹕幾片厚切嘅醬燒豬頸肉整齊咁鋪喺飯面，旁邊仲淋滿咗香噴噴嘅肉燥，豬頸肉燒到表面帶點焦香，爽口彈牙。醬汁嘅味道甜甜鹹鹹，好惹味，肉燥睇肥瘦均勻，充滿油香同醬油香，用嚟撈飯簡直係絕配。