沙田 4/4/2026 11:00

士林鹽酥雞滷肉飯 $75﹕材料都幾豐富，賣相不錯。鹽酥雞炸到金黃酥脆但唔油膩，炸粉薄薄地，入面嘅雞肉依然保持極度軟嫩多汁，充滿濃郁嘅胡椒香氣。旁邊嘅滷肉肥瘦適中，滷汁味道濃郁，肉碎吸收晒特製醬油嘅鹹香，將濃郁嘅滷汁同滷肉撈埋熱辣辣嘅白飯一齊大啖食，飽足。蛋餃蛋皮煎得薄薄，包住內餡，幾特別。

起司粟米蛋餅 $42﹕蛋餅皮煎得微焦香脆，口感極之煙韌軟糯。大啖咬開，入面半溶嘅起司拉晒絲，芝士味非常濃郁，夾埋粒粒清甜爽脆嘅鮮粟米，一鹹一甜嘅配搭極之夾。

黑糖珍珠奶茶 $12﹕黑糖嘅掛杯紋理超級靚，天然嘅黑糖焦香同滑溜嘅奶茶融合，茶底唔算太濃，底層嘅珍珠煙韌彈牙，充滿黑糖嘅甜蜜滋味，消暑解渴。