in城市廣場 7/10/2025 11:00

一人一鍋夠衛生而且價錢又平，二人餐只需要112元。

日式壽喜燒湯底甜甜哋嘅醬油味好香濃，基本上唔使再點醬油都已經好夠味。而鮮菇菌湯底就比較清淡養生，湯頭好鮮甜，有一種淡淡嘅菇菌香，飲落好舒服。套餐本身有幾款肉，大大碟份量都好大，新西蘭天然牧場羔羊肉真係有驚喜。羊肉片切得夠薄，色澤好靚，羊羶味濃，入口非常嫩滑。臻選肥牛肉油花分佈得好均勻，爽口甘香，瘦肉部分又唔會韌，口感層次分明。味道是不錯，但有啲似平價合成肉。

但要讚吓個自選蔬菜，選擇非常豐富而且睇落好新鮮。揀左幾款大白菜、生菜等都不錯，口感爽脆。凍豆腐蜂巢狀嘅結構吸滿晒壽喜燒嘅湯汁，一咬落去，濃郁嘅湯汁即刻喺口入面爆出嚟。最後仲有紅薯粉同拉麵，紅薯粉晶瑩剔透，口感超級Q彈，滑嘟嘟。而拉麵就好掛湯，口感彈牙。

套餐已包括茉莉牛乳茶同汽水，最後打卡仲送啤牌，仲有牛奶軟雪糕，反正平平地，都幾豐富，夠晒飽肚。