后海匯 30/11/2025 16:30

台灣大腸麵線配古早紅茶只需要24元，真係勁抵食。

台灣大腸麵線﹕份量都幾多，濃郁嘅柴魚高湯香氣已經撲鼻而來。湯底濃稠度啱啱好，加上少少黑醋同蒜蓉，味道層次即刻昇華。主角大腸處理得極之乾淨，完全無腥味，滷得非常入味而且口感煙韌有咬口。幼滑嘅麵線掛滿惹味嘅湯汁，順滑到可以直接滑入喉嚨，每一啖都充滿地道嘅台灣夜市風味。

另一碗「魚肉麵麵線」湯入面加左魚肉，份量十足，食落極之鮮甜彈牙，配埋吸滿精華嘅麵線一齊食，滋味無窮。