馬鞍山 13/5/2026 12:00

台灣焢肉便當 $62﹕賣相吸引，主角焢肉肥瘦相間、炆到極之軟糯入味，入口即化之餘完全唔會覺得膩，鹹甜適中嘅醬汁滲入每一層肉入面。底層配搭咗經典嘅台式配菜，酸菜、滷蛋、同炒粉絲，滷水蛋香氣十足，蛋白口感爽彈，蛋黃軟綿甘香，吸滿晒八角、桂皮同生抽嘅香味，鹹香惹味。

台灣鹽酥雞肉燥乾拌麵 $64﹕鹽酥雞份量唔少，即叫即炸、金黃酥脆，外脆內嫩仲帶陣陣九層塔香。台式手打麵口感煙韌，肉燥濃郁惹味，充滿油香，醬汁香濃惹味。地道台灣古早味！

跟餐包茉香綠茶等基本飲品，加$12可轉珍珠奶茶。黑糖珍珠軟糯煙韌，可惜茶底唔夠濃，普通。