深圳坂田 10/11/2024 12:00

點評套餐168元

先係出邊自助調料吧揀選合適嘅醬汁，基本嘅蒜蓉、辣油、芝麻醬到充足。仲有脆卜卜嘅餐前小食。

貝貝煲蒜蓉口味湯底：大大個貝貝煲，目測都有幾十隻貝貝，先將貝貝留起，每一隻都非常飽滿，非常鮮甜，感覺好新鮮。湯底有濃烈嘅蒜蓉味同海鮮材料非常配合。

安格斯肥牛賣相唔錯，不過似乎屬於筋位部位，入口有少少韌，牛味還好。

脆口章魚鬚完全就係白切魷魚鬚，食得出海鮮嘅鮮甜味，口感爽脆，需要自己加上醬油調味。

潮汕肉片味道甜甜的，有少少似午餐肉，口感爽口彈牙，幾有趣。

松葉蟹柳：非常香甜，魚肉味幾香，簡單煮一煮已經淋晒。

奧士基火鍋麵：打邊爐唔少得公仔麵，呢個面質不錯，主要都唔會過腍。

娃娃菜新鮮鮮甜。

特色沙薑炒魚片，用一個細嘅火爐慶住，食到尾都仲熱辣辣。魚片份量非常多，炒得有鑊氣，不過魚略為多骨。勝在仲有好多貝貝，真係非常鮮甜。

楊州炒飯 29元：都用一個小火螺熱煮，炒飯油光閃閃，炒得乾身，仲有唔少蝦仁，菜等配料，調味不錯，食到尾仲有飯焦。

呢間餐廳的的確確主打海鮮，海鮮質素甚佳，貝貝嘅味道尤其突出，所有肉類都給比下去。