28/12/2025 19:30

高雄漢神巨蛋內有美食廣場，座位唔多，還好搵到合適位置。揀左呢間段純貞食紅燒牛肉麵。

紅燒半筋半肉牛肉麵 NT$320﹕份量都唔少，紅燒湯頭加左多種獨門香料與牛大骨長時間熬製，濃郁醇厚，帶有一絲微辛，味道都幾香。牛筋燉煮得極度軟腍入味，膠質豐富。牛腩肉質軟嫩且吸滿湯汁精華。手工粗麵條煙韌有嚼勁，非常掛湯。

番茄半筋半肉牛肉麵 NT$340﹕另一款加左番茄湯底，有番茄酸甜味，濃郁不膩口。

原味腱心牛肉麵 NT$265﹕牛腱心切得非常厚實，肉質與油脂分佈極為均勻，既有瘦肉嘅鮮甜，又帶有細筋嘅微彈嚼勁。

經典燉雞麵 NT$210﹕清澈金黃色湯底醇厚甘甜，大大隻雞脾燉得細嫩，肉質都不錯。

每個套餐有一碗麵加小食，小食可選炒菜或小拼盆，海帶滷得入味，豆乾吸滿了特製滷汁，散發著淡淡的醬油與香料味。加NT$19就跟一杯飲品，可選四季春茶、烏梅桂花蜜等，都幾抵食。