28/12/2025 20:30

而家仲係聖誕節，高雄漢神巨蛋門外有聖誕佈置。離開巨蛋返酒店都係大約半個鐘，捷運搭到去前金站，行幾分鐘就到酒店，真係超級方便。

---

頂好豆花

28/12/2025 23:00

返到酒店，繼續UBER EAT 外賣甜品做宵夜

綜合圓豆花 NT$55﹕最先感受到嘅係豆花本身極度軟滑嘅質地，豆花帶有非常濃郁嘅黃豆香，入口即化。配搭埋色彩繽紛嘅芋圓同地瓜圓，口感極之煙韌有嚼勁。一軟一Q嘅對比，加上清甜嘅糖水，喺嘴裡配搭得天衣無縫，令人完全停唔落嚟。

花生紅豆豆花 NT$6﹕豆花都幾滑，加入軟綿綿紅豆及花生，甜度控制得啱啱好，

冬瓜茶 NT$35﹕清涼解渴，天然清甜古早味香氣。

三色布丁 NT$50﹕充滿童年回憶嘅三色布丁，朱古力、牛奶同雞蛋三種口味拼湊埋一齊，賣相非常吸引。布丁嘅質地極度滑溜，帶有陣陣純粹嘅奶香同蛋香。三種味道各有特色，層次分明。