29/12/2025 18:30

黎到大港橋未夠六點，先搵飯食。本身目標係呢間永心浮島，因為無訂位都擔心要等位。點知超級順利，直入戶外嘅海景卡位，可以一邊食一邊欣賞大港風景，超Chill。菜式係台式風格，小食到主食配搭有心思，唔單止着重賣相，味道仲好好。每位有低銷一個菜色，但整體價錢合理，埋單共NT$2468。美食配靚景，值!

金黃鮮蝦鳳梨球 NT$360﹕賣相吸引，色澤鮮明，鮮蝦本身彈牙爽口，保留到肉質鮮甜。配上鳳梨之後，整體味道多咗一份果香同酸甜感，令蝦肉嘅鮮味更加突出。酸甜香口平衡，食落清新。

蒜香排骨酥 NT$380﹕ 排骨炸得香，外層酥脆，咬落去首先感受到蒜香撲出，再慢慢食到肉香，中間仲爆多肉汁，非常滋味。

溫泉蛋奶油白菜 NT$260﹕以奶油白菜為主角，加入溫泉蛋後，整體口感更加柔滑和濃郁。奶油的圓潤感與白菜的清甜形成完美平衡，溫泉蛋的蛋汁拌入後，讓每一口都更加順滑。

蝦仁炒大豆苗 NT$480﹕大豆苗本身爽嫩清脆，自然清甜。蝦仁增加咗鮮味，清爽。

三杯雞炊飯 NT$420﹕三杯雞本身最吸引人嘅地方，就係醬香濃郁，通常帶住醬油、麻油同九層塔嗰種香氣。雞肉保持嫩滑，滿滿肉汁。飯吸收咗醬汁精華之後，香氣十足，食落粒粒分明之餘，又帶住雞油同醬汁香。

大港海鮮炒麵 NT$460﹕炒麵保持彈性，唔會過腍，非常掛汁。海鮮配料令整道菜食落更加豐富，每一口都食到唔同鮮味。再加上醬汁均勻包住麵身，令味道更加集中，既有炒麵應有嘅香口感，亦有海鮮帶來嘅鮮甜。

食物