沙田第一城 14/12/2025 11:00

咖哩湯豬軟骨湯烏冬$78﹕日式咖哩嘅甜香已經撲鼻而來，湯底極之濃郁醇厚，帶有微微嘅辛香，豬軟骨炆到極之腍滑，入口即化，骨膠原滿滿，肉汁同咖哩湯完美融合。配埋滑溜煙韌嘅烏冬麵，每一條麵都掛滿惹味嘅咖哩汁。

燒咖哩芝士唐揚炸雞飯 $70﹕賣相極之邪惡嘅，半融化嘅拉絲芝士鋪滿表面，散發出極濃郁嘅焦香。唐揚炸雞炸得金黃酥脆，咬落去肉汁爆滿。配埋微辛惹味又甜甜嘅日式咖哩同香濃芝士一齊食，令人完全停唔到口。

豆乳味噌湯照燒雞扒湯烏冬 $72﹕豆乳同味噌嘅配搭天衣無縫，湯底極之醇厚甘甜，帶有溫潤嘅大豆香氣，完全唔會覺得漏。照燒雞扒肉質嫩滑，配埋煙韌彈牙嘅烏冬，不錯。

凍抹茶豆腐飲$20﹕ 抹茶甘香醇厚，配上極之滑溜嘅豆腐，口感順滑無比。清新嘅茶香完美中和咗剛才食物嘅濃膩感，飲落清涼透心，層次感十足。

熱特濃抹茶牛乳$19﹕抹茶牛乳茶香極之突出，入口順滑無比，特濃嘅抹茶帶有高雅嘅回甘，完美中和咗牛乳嘅甜膩感。