南頭古城 29/9/2024 11:30

大眾點評套餐 178元

前菜有薯泥沙律非常綿密，味道不錯。麻醬豆腐，豆腐質地實淨，中間又滑，麻醬清爽。足足食咗三碟。

章魚小丸子同奶油可樂餅似乎係預制品，不過勝在熱辣辣，醬汁配料都俾得足夠。煎餃子外皮香脆，中間係菜肉餡。

有兩款壽司味道非常好，鰻魚壽司同埋火炙蟹柳壽司每款兩件，一啖一粒，火炙蟹柳味道對板，加咗蛋黃醬火炙燒過。

主菜壽喜燒鍋賣相不錯，估唔到肥牛都有咁多塊，下面仲有好多豆腐青菜，再加埋爽滑烏冬。壽喜燒汁係偏甜醬油口味，調味都適中。

開心果冰奶24元：飲得出淡淡開心果嘅果仁味。

點評lv6 專享福利，送一份唐揚炸雞，炸粉薄薄地，啖啖肉。加埋蜜糖芥茉醬，酸酸甜甜。

環境非常有日式風格，港式口味嚟講味道算不錯。小店收埋喺古城小巷之內，要細心查找。