深業上城 2/3/2025 18:00

菠蘿蝦仁炒飯 33元﹕賣相對板，炒飯之上加左腰果仁。炒飯粒粒分明，有菠蘿嘅天然清新果香，食得出粒粒新鮮菠蘿，果汁勁多，蝦仁都幾爽口彈牙，再加埋雞蛋嘅滑嫩同少量青豆、紅蘿蔔嗰種清甜，口感豐富。

娘惹沙爺雞肉串 39元﹕未食已經嗅到嗰陣濃郁嘅娘惹風味，雞肉串燒到外層微微焦香，內裡卻嫩滑多汁，娘惹沙爺醬味道濃郁，花生芝麻味勁香，微微辣度啱啱好，非常惹味。

獅城炒貴刁 49元﹕河粉濕潤又帶點嚼勁，吸收左濃郁嘅醬料，配料有嫩滑嘅雞蛋、爽口嘅鮮魷魚，仲加左類似臘腸多一份香甜，配上翠綠嘅蔬菜豆芽加一份清新脆爽。調味咸鮮不辣，鑊氣十足。

咖椰焗烤麵包 20元﹕麵包焗得金黃酥脆內軟，中間係鮮綠咖椰醬，咖椰醬輕輕滲入麵包裡，充滿椰香同雞蛋嘅天然甜味。

送嘅蝦片都相當好味，炸得黃金香脆，充滿濃濃海鮮味。

星怡會嘅菜單選擇多元化，百幾蚊一餐外賣，出品不錯。