將軍澳 16/11/2025 14:30

麻糬紅豆沙﹕汾豆沙本身非常綿密，做到「起沙」嘅效果，陳皮味道香濃，甜度控制得啱啱好。麻糬浸喺熱辣辣嘅紅豆沙入面，超級煙韌軟糯，拉絲效果一流，麻糬本身淡淡嘅米香，配埋濃郁嘅陳皮紅豆沙，一淡一濃，層次分明。

芒果紫米牛奶冰﹕雪白嘅牛奶冰堆成一座小山，上面淋滿金黃色嘅新鮮芒果粒同紫米，顏色對比鮮明。底層嘅牛奶冰亦都值得一讚，打得非常幼細綿滑，入口即溶，而且奶味香濃，甜度適中。芒果肉夠熟，香甜多汁。紫米煮得軟糯煙韌，帶住獨特嘅米香同嚼勁，口感豐富。仲有西米爽滑，不錯。