深圳石廈時代 6/7/2025 16:00

下午茶 每份18.8元，呢個價錢真係抵到爛。

舊金山多士﹕整片多士炸到均勻嘅金黃色，表面帶有輕微嘅焦香，中央放左一塊牛油。隨住牛油溶化，金黃嘅糖漿順勢流落，覆蓋晒多士每個角落。外層裹滿蛋液後炸得啱啱好，香脆但唔油膩。內層嘅多士保持住驚人嘅濕潤同柔軟加。溶化嘅牛油帶嚟淡淡嘅鹹香，加上朱古力醬同煉奶嘅香甜，味道不錯。

鹽酥雞米花﹕雞米花一啖一粒大小，炸到金黃酥脆、乾爽唔油膩，外皮酥脆之下，係依然鮮嫩多汁嘅雞肉，做到外酥內嫩。撒上椒鹽、辣椒粉同蒜香粉，香味十足，少少嘅辣椒粉帶嚟溫和而刺激嘅辛香，每一啖都鹹香夠味，令人忍唔住一粒接一粒。

狗仔奶茶﹕奶茶做成可愛嘅小狗造型，加入港式奶茶，茶味濃郁，帶有紅茶醇厚同微澀，加入香滑嘅淡奶完。小狗冰融化後，仍然原汁原味。口感順滑，甜度適中。