外賣@深圳領展中心城 7/10/2025 18:00

---

外賣@深圳領展中心城 13/4/2025 18:00

終於都見到呢間店舖喺領展中心城新開嘅B1層。賣相同味道都keep到，非常抵食。

過透明包裝盒可以清楚見到豐富多彩嘅內餡，賣相係不錯。整個紫菜包飯呈現完美形狀，外層嘅紫菜包裹得相當緊實，最搶眼莫過於滿滿嘅肉鬆，仲有大塊火腿同蛋皮，非常厚實飽滿，蔬菜搭配都相當用心，用料唔馬虎。烤肉嘅煙燻香味同肉鬆鹹香完美融合，中間嘅醬汁調味得恰到好處，帶微微甜味。

「超多醬黯然銷魂」視覺衝擊力爆發! 整個紫菜包飯被三種顏色鮮豔嘅醬汁完全覆蓋，橙紅色嘅茄汁、純白色嘅沙律醬，仲有黃色嘅芥辣醬，醬汁分量確實驚人，多到已經完全見唔到紫菜本體。茄汁濃郁香甜，沙律醬帶奶香同微酸，芥辣加點刺激感，三種味道交織複雜又豐富。內餡同烤肉紫菜包飯相當相似，都係滿滿的肉鬆、火腿片、雞蛋絲，各式新鮮蔬菜等。不過由於醬汁過於豐富，內餡已經唔重要。

---

外賣@深圳領展中心城 17/11/2024 18:00

第二次食呢個隨便紫菜包飯，係美團追加嘅優惠加單。烤肉紫菜包飯，賣相都係非常靚，薄薄嘅紫菜，一層小小嘅飯，包住超級多嘅材料，還前面好吸引，中間已經落咗蛋黃醬，甜甜地，小朋友最鍾意。

---

外賣@深圳領展中心城 8/9/2024 18:00

外賣包裝乾淨企理。

烤肉紫菜包飯 24.8元：賣相不錯，見到有好多材料，超級多肉肉鬆，大大件火腿，雞蛋，仲有唔同類型嘅蔬菜，中間有好多醬汁，味道不錯。

超多醬黯然銷魂紫菜包飯 24.8元：果然真係超多獎，三色茄汁、芥辣同埋沙律醬多到已經睇唔到紫菜包飯，中間嘅餡料同另一款差唔多，味道又差唔多。

酸梅湯細細支，但係味道濃郁。